Shefi i Grupit Parlamentar të Nismës për Kosovën, Bilall Sherifi në emisionin “Interaktiv” të KTV-së ka folur për zhvillimet në Lëvizjen Vetëvendosje.
Ai ka thënë se praktika ka treguar se kur ka përplasje të tilla, do të jenë vështirë të riparueshme, raporton Gazeta Blic.
Sherifi duke folur për mundësinë e kalimit të Aida Dërgutit në Nisma për Kosovën, ai ka thënë se do të dëshironte të ndodhte një gjë e tillë, mirëpo sipas tij, deputetja e VV-së nuk është një kërkim të një partie.
“Ajo ka theksuar se po dëshiron ta reformoj partinë e saj VV-në, pra nuk është në kërkim të ndonjë partie të re. Nisma nuk e ka parim që t’i oforohet, derisa ajo tashmë e ka bërë të qartë vendimin e saj”, ka theksuar ai.
Sherifi ndër të tjera ka treguar për një ofertë që ia kishte bërë Molliqaj në vitin 2012, grupit të Limajt dhe Jakup Krasniqit, para se ta formonin Nismën për Kosovën.
“Dardan Molliqaj ma kishte dërguar një njeri për t’u takuar, duke u munduar që të na bindin që të mos formonim parti dhe të bashkoheshim me ta. Mirëpo, ne as që kemi dashur të diskutonim, sepse ne vec kishim ndarë mendjen”, tha ai.
