Aeroporti i Brukselit mbyllet përkohësisht pas pamjes së një droni

Aeroporti i Brukselit u mbyll të martën në mbrëmje pasi një dron u pa duke fluturuar në zonë, sipas gazetës Le Soir.

Shërbimi i kontrollit të trafikut ajror Skeyes konfirmoi se “për arsye sigurie” operacionet në Aeroportin Ndërkombëtar Zaventem u pezulluan përkohësisht.

Fluturimi i fundit u nis në orën 19:37 dhe i fundit u ul në orën 19:46.

Disa avionë që udhëtonin drejt Brukselit u detyruan të ndryshonin kurs dhe u drejtuan për në aeroportin e Liezhit.