Partia e Drejtësisë, Dega në Vushtrri, ka mbajtur të martën mbrëma Kuvendin Zgjedhor, në të cilin u zgjodh kryetari dhe kryesia e degës.
Në Kuvend ishin të pranishëm 102 delegatë, nga të cilët 52 ia besuan edhe një mandat kryetarit aktual, Abdullah Klinakut, ndërsa, 50 delegatë votuan për kundër kandidatin Eroll Venharin.
Kryetari i porsazgjedhur, Abdullah Klinaku, u zotua se do të punojë me përkushtim të plotë për të avancuar edhe më tutje PD-në në këtë komunë.
Sipas Klinakut, PD-ja në rajonin e Vushtrrisë, në vitet e fundit është rritur në masë të madhe dhe se premtoi se kjo rritje do të vazhdojë gjatë mandatit të tij katërvjeçar.
I pranishëm në Kuvendin Zgjedhor, ishte edhe kryetari i PD-së, Ferid Agani, i cili përgëzoi Degën e Vushtrrisë për organizim dinjitoz, ndërsa Klinakut i uroi postin e ri, duke i dhënë mbështetje në rrugëtimin e përbashkët për ta quar në vend programin dhe synimin e kësaj partie.
Ndryshe, PD-ja në Vushtrri përfaqësohet nga dy asambleistë, ndërsa udhëheq me drejtorinë e shëndetësisë.
- Advertisement -
