Marrëveshja mes LDK-së dhe VV-së për formimin e koalicionit duket më afër se kurrë.
Glauk Konjufca pritet të jap dorëheqje nga pozita e kryeparlamentarit dhe t’i liroj vend dikujt nga radhët e LDK-së, transmeton Indeksonline.
Dorëheqjen e Glauk Konjufcës në një formë e ka konfirmuar edhe anëtari i kryesisë së LVV-së, Elvis Hoxha.
Ai ka postuar një fotografi me Albin Kurtin, Glauk Konjufcën dhe Besnik Bislimin, ku ka shkruar: “Kjo foto nuk është e qartë për shkak të aparatit tim. Por ama njerëzit që më rrethojnë janë të një qartësie politike të mrekullueshme.”
Glauk Konjufca u zgjodh kryetar i Parlamentit të Kosovës në seancën e 26 dhjetorit. Ai u votua nga 27 deputet të LDK-së edhe pse në atë kohë dy partitë nuk kishin një marrëveshje.
Pas kësaj seance, LDK ka paraqitur një ofertë, ku ka kërkuar që ministritë të ndahen 50:50 dhe kryeparlamentari t’i takoj LDK-së deri në zgjedhjen e presidentit./Indeksonline/
