Në Qendrën e Numërimit dhe të Rezultateve (QNR) po vazhdon procesi i numërimit të votave të zgjedhjeve të parakohshme të mbajtura më 7 qershor.
Gjatë ditës së diel është duke u zhvilluar numërimi i votave me postë, ku deri më tani janë procesuar 51 nga gjithsej 156 pako, apo 32.69% e tyre.
Sipas rezultateve të deritanishme, Lëvizja Vetëvendosje prin me 68.23% të votave, që përkthehet në 12,821 vota.
Pas saj renditet Lidhja Demokratike e Kosovës me 17.59% apo 3,305 vota.
Partia Demokratike e Kosovës është e treta me 6.79% apo 1,276vota, ndërsa Aleanca për Ardhmërinë e Kosovës ka marrë 5.32% apo 999 vota. /Lajmi.net/
- Advertisement -
