Në ora 19:00, është mbyllur procesi zgjedhor në të gjitha komunat e vendit.
Pas mbylljes së qendrave të votimit, konferencë për media ka mbajtur kryesuesi i Komisionit Qendror5 të Zgjedhjeve, Kreshnik Radoniqi.
Ai ka thënë se duke u mbështetur në raportimet nga tereni, procesi zgjedhor në Kosovë është zhvilluar në mënyrë të rregullt.
“Deri në këtë kohë që flasim, nuk janë evidentuar incidente që do të mund të cenonin integritetin, sigurinë apo mbarëvajtjen e procesit zgjedhor. Në emër të KQZ-së falenderojmë institucionet e ndrsynhme, për angahzimin në mbarëvajtjen e procesit zgjedhor si Policinë, Prokurorinë e Shtetit, KEDS-in për trajtimin në kohë dhe të shpejtë të rasteve të paraqitura”, ka thënë Radoniqi.
Ai ka treguar se sa qytetarë kanë votuar gjithsej.
“Duke u mbështetur nga të dhënat preliminare nga mbi 98% të vendvotimeve, numri i qytetarëve që kanë votuar deri në orën 19:00 është 712 mijë e 148 votues apo 36,41% nga 1 milionë e 959 mijë e 962 votues. Deri në të njëjtën kohë në zgjedhjet e 28 dhjetorit kishin votuar 44,99% nga 899 mijë e 517 votues”, ka thënë Radoniqi. /Lajmi.net/
