Banorët e zonës përgjatë rrugës Prishtinë–Podujevë kanë shprehur shqetësim për praninë e disa qenve të ngordhur në skaj të rrugës kryesore, të cilët sipas tyre po kundërmojnë dhe po paraqesin rrezik për shëndetin publik.
Sipas deklarimeve të banorëve për IndeksOnline, kafshët e ngordhura janë aty për disa javë pa u larguar.
“Ka javë, ndoshta edhe muaj që këta qen të ngordhur janë aty. I kemi lajmëruar Policinë në Podujevë, Policinë në Prishtinë dhe komunën, por nuk është ndërmarrë asgjë. Era është shumë e rëndë, nuk mund të kalojë askush normalisht. Na duhet të kalojmë rrugën me rrezik të madh vetëm për t’i ikur kundërmimit. Janë 3-4 qen të ngordhur para një biznesi”, ka thënë një banor i zonës për IndeksOnline.
Më poshtë mund të shihni pamje./IndeksOnline/
