A do ta lirojë Shqipëria bazën e Kuçovës nëse e kërkon SHBA? Çfarë thotë Ministri i Mbrojtjes

Ministri i Mbrojtjes i Republikës së Shqipërisë Ermal Nufi ka komentuar rreth kërkesës eventual të SHBA’së për bazën e Kuçovës. Ai ka theksuar se nëse SHBA do të kërkojë ta përdorë këtë bazë, atëherë Shqipëria do ta vlerësojë kërkesën.

“Republika e Shqipërisë ka marrëdhënie strategjike me SHBA-në. Që nga viti 2015 kemi marrëdhënie strategjike me ta, përtej angazhimit tonë në NATO. Mbetet për t’u vlerësuar dhe për t’u parë nëse vjen një kërkesë e tillë nga pala amerikane. Baza e Kuçovës është bazë e NATO-s. Besoj se e gjithë vendimmarrja me këtë gjë, lidhet edhe me angazhimin e Shqipërisë në aleancë”, tha Nufi.