“Hallall, betonjerka e ndalon zjarrin e veturës në Veternik, shoferi qenka punëtor i zoti

Një incident ka ndodhur pasditen e së enjtes në zonën e Veternikut, ku një veturë është përfshirë nga zjarri.

Flakët kanë qenë të mëdha dhe kanë shkaktuar shqetësim te kalimtarët e rastit. Megjithatë, një veprim i shpejtë i një shoferi të një betonjerke ka parandaluar përhapjen e mëtejshme të zjarrit, shkruan IndeksOnline.

I njëjti, duke kaluar në atë rrugë, ka ndaluar menjëherë mjetin e tij dhe ka ndërhyrë për ta shuar zjarrin në veturë.

Dëshmitarët e kanë vlerësuar lart reagimin e tij, duke e cilësuar si një veprim të guximshëm dhe shembullor./IndeksOnline/