Valon Vataj është emëruar kryetar i Shoqatës së Ndërtuesve në kuadër të Odës Ekonomike të Kosovës (OEK), duke marrë kështu një rol të ri në përfaqësimin e sektorit të ndërtimit në vend.
Përmes një njoftimi, Vataj ka shprehur vlerësimin për besimin e dhënë, duke theksuar se detyra e re përbën një përgjegjësi të rëndësishme ndaj industrisë së ndërtimit, të cilën e cilësoi si një nga shtyllat kryesore të ekonomisë së vendit.
Statusi i tij i plotë:
Me përgjegjësi të plotë dhe vlerësim të lartë për besimin e dhënë, kam pranuar detyrën si 𝐊𝐫𝐲𝐞𝐭𝐚𝐫 𝐢 𝐒𝐡𝐨𝐪𝐚𝐭𝐞̈𝐬 𝐬𝐞̈ 𝐍𝐝𝐞̈𝐫𝐭𝐮𝐞𝐬𝐯𝐞 𝐧𝐞̈ 𝐤𝐮𝐚𝐝𝐞̈𝐫 𝐭𝐞̈ 𝐎𝐝𝐚 𝐄𝐤𝐨𝐧𝐨𝐦𝐢𝐤𝐞 𝐞 𝐊𝐨𝐬𝐨𝐯𝐞̈𝐬.
Sektori i ndërtimit është një nga shtyllat kryesore të ekonomisë sonë, por në të njëjtën kohë po përballet me sfida serioze që kërkojnë qasje të qartë dhe veprim konkret.
Qasja ime do të jetë e drejtpërdrejtë:
më pak fjalë, më shumë punë.
Fokusi do të jetë në:
– rritjen e standardeve në ndërtim
– krijimin e një tregu të drejtë dhe të rregullt
– forcimin e lidhjeve me investitorë vendorë dhe ndërkombëtarë
– përfaqësimin dinjitoz të komunitetit të ndërtimit, duke u marrë drejtpërdrejt me problematikat e këtij sektori
Kjo nuk është vetëm një pozitë, por një përgjegjësi ndaj një industrie që përfaqëson punën, investimin dhe zhvillimin e vendit.
Pres bashkëpunim të sinqertë dhe profesional nga të gjithë akterët e sektorit.
