Kanë filluar punimet për sanimin e trupit të rrugës në fshatin Carralevë, në Komunën e Shtimes, pas dëmtimeve të regjistruara në këtë pjesë të rrugës.
Ministria e Infrastrukturës dhe Transportit ka njoftuar se për realizimin e këtyre punimeve është lidhur kontrata përkatëse, dhe se ndërhyrja do të rikthejë sigurinë dhe stabilitetin e plotë të rrugës për qytetarët dhe automjetet që kalojnë aty.
Sipas komunikatës, ky veprim tregon përkushtimin e vazhdueshëm të ministrisë për reagim të shpejtë ndaj dëmtimeve infrastrukturore dhe për përmirësimin e cilësisë së rrugëve në të gjithë vendin.
Ministria ka theksuar se do të vazhdojë të monitorojë situatën dhe të ndërmarrë të gjitha masat e nevojshme për të garantuar që rrugët të jenë të sigurta dhe funksionale. /Lajmi.net/
- Advertisement -
