Mediat shtetërore iraniane raportojnë se pesë persona janë vrarë në një sulm ndaj një kompleksi petrokimik iranian, për të cilin Izraeli thotë se prodhon një “komponent kritik” për raketat e tij balistike.
Forcat e Mbrojtjes së Izraelit thonë se sulmi ndaj objektit në Mahshahr, në jugperëndim të Iranit, ndodhi më herët gjatë së shtunës.
Sipas tyre, ai është një nga dy objektet kryesore në Iran që prodhojnë materiale për eksplozivë dhe armë të tjera, shkruan BBC.
Një zyrtar iranian për rajonin tha se pesë persona u vranë nga sulmi, ndërsa edhe 170 të tjerë po trajtohen për lëndime, sipas agjencisë së lajmeve Fars, e lidhur me Korpusi i Gardës Revolucionare Islamike.
- Advertisement -
