David Beckham tregoi trupin e tij të tonifikuar në një postim të ri në rrjetet sociale dhe gjithashtu zbuloi se i pëlqen shumë seriali “Friends”.
Ish-futbollisti 50-vjeçar postoi një seri fotosh pa bluzë në Instagram të martën në mbrëmje, njëra prej të cilave e tregonte duke parë një episod të serialit të njohur në sfond, transmeton Indeksonline.
David është i martuar me Victoria Beckham, ish-anëtare e Spice Girls, me të cilën ka djemtë Brooklyn (27), Romeo (23) dhe Cruz (21), dhe vajzën 14-vjeçare Harper.
“Duke u stërvitur me ‘Miqtë’ e mi”, shkroi Beckham në mbishkrimin e postimit. Ndër të parët që komentoi ishte llogaria zyrtare në Instagram e serialit “Miqtë”, ku luanin Jennifer Aniston, Courteney Cox, Lisa Kudrow, Matt LeBlanc, David Schwimmer dhe i ndjeri Matthew Perry.
Postimi shpejt mori më shumë se 290,000 pëlqime dhe 1,200 komente. “Sikur të isha unë kjo shishe”, “Do të jepja gjithçka për të qenë dyshemeja poshtë teje” dhe “Paç fat Victorias”, shkruan ndjekësit entuziastë.
Shumë prej tyre lanë emoji zjarri dhe zemra të kuqe, dhe komplimentet vazhdojnë të vijnë pafund./Indeksonline/
