Qëllimi i regjimit gjenocidal të Serbisë ishte shfarosja e popullit tonë.
Kështu ka deklaruar presidentja e vendit, Vjosa Osmani nga përkujtimi për masakrën e Lybeniqit.
Sipas Osmanit, Lybeniqi mbetet plagë e hapur në kujtesën tonë kolektive, por edhe dëshmi e qëndrueshmërisë sonë dhe e çmimit të lirisë.
Postimi i plotë:
Në Lybeniq, forcat serbe masakruan edhe fëmijët në djep, gratë shtatzëna dhe të moshuarit e palëvizshëm. Aty u dëshmua sërish se qëllimi i regjimit gjenocidal të Serbisë ishte shfarosja e popullit tonë.
Por nuk ia arritën! Sot, familjarët e të vrarëve në Lybeniq, ndërmjet dhimbjes dhe krenarisë, kanë edhe amanetin për ta ruajtur shtetin e ndërtuar mbi sakrificë, siç e kemi edhe secili prej nesh. Lybeniqi mbetet plagë e hapur në kujtesën tonë kolektive, por edhe dëshmi e qëndrueshmërisë sonë dhe e çmimit të lirisë.
Drejtësia për viktimat është detyrim moral, njerëzor dhe shtetëror.
Lavdi e përjetshme për martirët dhe dëshmorët e Lybeniqit!/Indeksonline/
