Të martën në stadiumin “Fadil Vokrri” në kryeqytet, do të zhvillohet ndeshja finale për kualifikim në Botëror, Kosovë – Turqi.
Në lidhje me këtë dhe rritjes së kërkesës për qarkullim, Komuna e Prishtinës ka shtuar nisjet në linjën 1A.
Kjo linjë vjen nga Aeroporti “Adem Jashari” drejt Prishtinës dhe anasjelltas.
“Njoftojmë qytetarët se, me rastin e zhvillimit të ndeshjes Kosovë – Turqi dhe rritjes së kërkesës për qarkullim, në bashkëpunim me Trafikun Urban, më 31 mars dhe 1 prill do të shtohen nisjet në linjën 1A Aeroport – Prishtinë dhe anasjelltas. Nisjet do të realizohen çdo një orë, nga ora 06:00 deri në 24:00, nga Aeroporti Ndërkombëtar i Prishtinës “Adem Jashari” dhe nga Stacioni i Autobusëve në Prishtinë”, ka njoftuar Komuna e Prishtinës. /Lajmi.net/
Njoftimi i plotë:
- Advertisement -
