Raportohet se Fulhami ka vendosur të aktivizojë opsionin e blerjes për Samuel Chukwuezen, duke i siguruar 24 milionë euro në arkën e Milanit.
Sulmuesi i krahut ishte një nënshkrim prej 21.1 milionë eurosh plus deri në 7 milionë euro shtesë nga Villarreali në vitin 2023, por nuk arriti të lërë gjurmë në “San Siro”.
Chukwueze shënoi vetëm tetë gola dhe dha gjashtë asistime në 70 paraqitje zyrtare për “Rossonerët”.
Ai u huazua te Fulhami në shtator 2025 me një opsion blerjeje në fund të sezonit.
Megjithëse kontribuoi në mënyrë jo shumë mbresëlënëse me tre gola dhe katër asistime në 19 ndeshje zyrtare, “Gazzetta dello Sport” sugjeron se Fulhami ka vendosur ta blejë Chukwuezen përfundimisht.
Kjo mund të përfaqësojë një përfitim të rëndësishëm për financat e Milanit, sepse edhe pse nuk është 30 milionë eurot e përfolura fillimisht, kjo do të sjellë 24 milionë euro të reja.
Pika kulmore e karrierës së reprezentuesit nigerian te Fulhami deri tani mbetet dy golat e shënuara në Premierligë kundër Manchester Cityt./GazetaExpress/
