Presidenti amerikan, Donald Trump, ka thënë se nuk pranon idenë e një armëpushimi me Iranin, pothuajse tre javë pas fillimit të konfliktit.
“Unë nuk dua një armëpushim. E dini, nuk bëhet armëpushim kur po shkatërrohet plotësisht kundërshtari”, tha Trump për mediat, para se të nisej nga Shtëpia e Bardhë drejt Floridës.
Presidenti shtoi se Shtetet e Bashkuara kanë neutralizuar flotën, aviacionin dhe mbrojtjen kundërajrore të Iranit, duke deklaruar se “gjithçka është jashtë funksionit”.
Ai theksoi gjithashtu se SHBA ka liri veprimi, megjithëse pranoi se Irani vazhdon të “bllokojë” ngushticën e Hormuzit. “Por nga pikëpamja ushtarake, ata janë të mbaruar”, shtoi Trump.
- Advertisement -
