Sipas njoftimit, ndërprerja do të bëhet për shkak të një intervenimi në gypin AC Ø600 në daljen e Pataqanit të Ulët dhe do të fillojë nga ora 08:00, duke zgjatur deri në përfundimin e punimeve.
“Ju njoftojmë se për shkak të një intervenimi në gypin AC Ø600 në daljen e Pataqanit të Ulët, me datë 12.03.2026, do të bëhet ndërprerja e furnizimit me ujë të pijes duke filluar nga ora 08:00, deri në përfundimin e punimeve”, thuhet në njoftim.
Sipas kompanisë, pa furnizim me ujë do të mbesin qyteti i Rahovecit dhe fshatrat Fortesë, Sapniq, Pataqan i Ulët, Pataqan i Epërm, Nashpallë dhe Brestovc.
Ndërprerja pritet të ndikojë edhe në disa dalje të rrjetit të ujësjellësit, përfshirë daljen nga Ngrohtorja e Qytetit në Gjakovë, daljen për Dol-Lipovec, Marmull dhe Bishtazhin, si dhe daljet për Rugovë, Romajë, Xërxë-Ratkoc dhe Bellacërkë-Krushë-Piranë.
Nga KRU Gjakova është bërë e ditur se ekipet teknike do të jenë në terren dhe do të punojnë për sanimin sa më të shpejtë të defektit, ndërsa qytetarët janë falënderuar për mirëkuptimin e tyre.
