Kryetarja e Kuvendit e Kosovës, Albulena Haxhiu, ka pritur sot në takim ambasadorin e Turqisë në Kosovë, Tunç Angılı.
Në komunikatën e kuvendit për media, bëhet e ditur se, gjatë takimit u diskutua për marrëdhëniet dhe bashkëpunimin ndërmjet dy vendeve, si dhe për mundësitë e thellimit të mëtejmë të këtij bashkëpunimi në fusha me interes të përbashkët.
Komunikata:
Kryetarja Haxhiu priti në takim ambasadorin e Turqisë, Tunç Angılı
Kryetarja e Kuvendit të Republikës së Kosovës, Albulena Haxhiu, priti sot në takim Ambasadorin e Republikës së Turqisë në Kosovë, Tunç Angılı.
Gjatë takimit u diskutua për marrëdhëniet e mira dhe bashkëpunimin ndërmjet dy vendeve, si dhe për mundësitë e thellimit të mëtejmë të këtij bashkëpunimi në fusha me interes të përbashkët.
Kryetarja Haxhiu vlerësoi mbështetjen e vazhdueshme të Turqisë për Republikën e Kosovës dhe shprehu gatishmërinë për forcimin e mëtejmë të bashkëpunimit ndërinstitucional dhe parlamentar në të ardhmen.
