Një avion Typhoon i Ushtrisë Ajrore të Britanisë së Madhe (RAF), që operon nga Katar ka rrëzuar një dron iranian.
Ky është hera e parë që një avion britanik rrëzon një dron që nga fillimi i sulmeve të US dhe Israel ndaj Iranit, raporton BBC.
Royal Air Force kishte dislokuar më parë këtë vit një skuadron Typhoon në Katar, ndërsa tensionet në rajon u rritën.
Sekretari i Mbrojtjes britanike e ka bërë të qartë se prania e shtuar e ushtrisë britanike në rajon është për të mbrojtur forcat dhe interesat e Mbretërisë së Bashkuar dhe se Mbretëria e Bashkuar nuk po merr pjesë në sulmet e udhëhequra nga SHBA-të.
Avionët e RAF-it kanë kryer patrullime mbrojtëse nga Katar dhe RAF Akrotiri në Qipro që nga nisja e sulmeve ushtarake nga SHBA-ja dhe Izraeli.
Autoritetet britanike po punojnë për formulimin e planeve për të evakuuar potencialisht shtetasit e tyre nga Lindja e Mesme, megjithatë kjo duket e pamundur në afat të shkurtër, pasi hapësira ajrore në rajon mbetet e mbyllur.
Shtetasve britanikë që kalojnë përmes Dubai dhe Doha u është këshilluar të qëndrojnë brenda në vende të sigurta dhe të shmangin udhëtimet jashtë, sa herë që është e mundur.
Rreth 76,000 shtetas britanikë në Lindjen e Mesme janë regjistruar në skemën e qeverisë britanike “register your presence” (regjistro praninë tënde). Shumica e tyre janë pushues në United Arab Emirates ose udhëtarë në tranzit në aeroportet kryesore të Emirateve.
Skema “register your presence” lejon shtetasit britanikë në Bahrain, Israel, Kuwait, Palestine, Qatar dhe United Arab Emirates të marrin informacion të drejtpërdrejtë nga Ministria e Jashtme.
