Juventus po kalon një periudhë të errët forme dhe telashet janë shtuar para ndeshjes vendimtare të “play-off”-it të UEFA Champions League kundër Galatasaray.
Skuadra e drejtuar nga Luciano Spalletti u mposht 2-0 në shtëpi nga Como në Serie A, duke regjistruar humbjen e katërt në pesë ndeshjet e fundit në të gjitha garat dhe duke pësuar plot 15 gola në këtë periudhë.
Problemet nuk mbarojnë me kaq. Ylli i ri turk, Kenan Yildiz, doli nga fusha ndaj Comos me një shqetësim në pulpë, duke vendosur në pikëpyetje prezencën e tij në sfidën e së mërkurës. Sipas raportimeve nga mediat italiane, ai mbetet në dyshim serioz për ndeshjen e kthimit.
Juventusi duhet të përmbysë disavantazhin 5-2 nga ndeshja e parë në Stamboll për të mbajtur gjallë ëndrrën evropiane – dhe mungesa e Yildiz do ta bënte misionin edhe më të vështirë. /GazetaExpress
