Përfaqësuesi i familjes legjendare Jashari, Bekim Jashari, ka uruar përvjetorin e Pavarësisë me një mesazh nderimi për dëshmorët dhe thirrje për unitet e përkushtim ndaj shtetit.
Jashari, djali i heroit Hamëz Jashari, theksoi se “sot përulemi me respekt para të rënëve dhe e kthejmë amanetin e tyre në përgjegjësi shtetndërtimi”, duke shtuar se gjaku i derdhur për liri nderohet “duke u bërë bashkë për zhvillimin e vendit tonë, për ruajtjen e historisë sonë të lavdishme dhe për fuqizimin e shtetit tonë në skenën ndërkombëtare”.
Ai shprehu “nderim të thellë dhe përulje të sinqertë para çdo shqiptari, çdo atdhetari, burri, gruaje e të riu, që brez pas brezi punuan, sakrifikuan dhe qëndruan të palëkundur për çlirim nga robëria”, duke uruar: “Gëzuar Pavarësinë e Kosovës!”.
Në fund, Jashari bëri thirrje për bashkim, duke theksuar se “liria është fituar me sakrificë, ndërsa shteti forcohet me punë e përkushtim çdo ditë”, si dhe përmbylli mesazhin me thirrjen: “Lavdi Dëshmorëve!”.
Postimi i plotë:
./lajmi.net/