Pas shumë deklarimeve kundër, ku ndër të tjerash e quajtën edhe kriminelë e terroristë, sonte Lëvizja Vetëvendosje çuan duart për votimin e nënkryetarit të Listës Serbe, Slavko Simiq.
Deputetët e Lëvizjes Vetëvendosje votuan “pro” që Slavko Simiq të jetë nënkryetar i Kuvendit të Kosovës. Votë “pro” pati edhe Lista Serbe. 104 deputetë votuan “pro”.
Ndërkohë disa deputet të PDK-së votuan “kundër”, në Vetëvendosje nuk pati asnjë votë kundër.
Votimi u bë “në pako” për të gjithë nënkryetarët.
Pas propozimit, Albulena Haxhiu arriti që të marrë 66 vota për, 44 kundër dhe 8 abstenime Haxhiu u vu në postin e Kryetare së Kuvendit të Kosovës.
Pas kësaj, partitë politike propozuan nënkryetarët e Kuvendit.
Hekuran Murati propozoi Ardian Golën për nënkryetar nga LVV.
Blerta Deliu-Kodra e PDK-së, propozoi Vlora Çitakun.
Nga LDK-ja, Besian Mustafa e propozoi Kujtim Shalën.
Lista Serbe, përmes deputetit Igor Simiq, propozoi Sllavko Simiqin.
Elbert Krasniqi propozoi Emilija Rexhepin.
Në votim morën pjesë 115 deputetë, nga të cilët 104 votuan për, 3 kundër dhe 6 abstenuan.
“Me zgjedhjen e nënkryetarëve, Kuvendi konsiderohet i konstituuar”, tha Haxhiu.
Pas votimit të të gjithë nënkryetarëve të propozuar u arrit që Kuvendi i Kosovës të jetë i konstituuar.
Pas kësaj Haxhiu njoftoi se sonte mbahet edhe një seancë, ajo për formimin e Qeverisë së Kosovës./Lajmi.net/
