Një incident i pazakontë ka ndodhur këtë mëngjes në një shkollë të mesme në Ferizaj, ku dy mësimdhënës janë përfshirë në një përleshje fizike, ka bërë të ditur për lajmi.net zëdhënësi i Policisë Rajonale, Kanun Veseli.
Ngjarja ka ndodhur rreth orës 09:25 në korridorin pranë sallës së mësimdhënësve dhe është qetësuar menjëherë nga drejtoria e shkollës.
“Më datë 29.01.2026, rreth orës 11:15, policia ka pranuar një informacion se në një shkollë të mesme në Ferizaj, dy mësimdhënës janë përfshirë në një përleshje fizike. Ngjarja ka ndodhur rreth orës 09:25 në korridorin pranë sallës së mësimdhënësve, ku janë përfshirë dy profesorë. Situata është qetësuar menjëherë nga drejtoria e shkollës. Të dyja palët janë paraqitur në stacion policor dhe janë intervistuar nga Njësia e Hetimeve. Me urdhër të prokurorit, rasti është përpiluar ‘shënim zyrtar’”, tha Veseli./lajmi.net/
