Alexandre Pato, ish-sulmuesi i AC Milan dhe i përfaqësueses së Brazilit, po shqyrton mundësinë e marrjes së kontrollit të klubit Colchester United.
Klubi që garon në League Two të Anglisë ka konfirmuar se 36-vjeçari ishte i pranishëm në ndeshjen e së shtunës në shtëpi ndaj Fleetwood Town, me ftesë të pronarit aktual, Robbie Cowling, shkruan Indeksonline
Prania e Patos në stadium ka nxitur spekulime për një përfshirje më të thellë të tij në projektin e ardhshëm të klubit.
Ende nuk ka detaje konkrete rreth strukturës së marrëveshjes apo rolit që Pato mund të ketë nëse blerja realizohet./Indeksonline/
- Advertisement -
