Një stuhi dimërore e fuqishme ka shkaktuar kaos në zonën e Nju Jorkut, duke sjellë reshje intensive bore dhe ndërprerje të mëdha në trafikun ajror. Për shkak të kushteve të motit, aeroporti LaGuardia në Queens ka qenë i detyruar të ndalojë operacionet dhe të mbyllë dyert e tij temporalisht, duke pezulluar fluturimet dalëse dhe hyrëse, siç raporton portali amerikan Pix11, transmeton IndeksOnline.
Këto zhvillime vijnë ndërsa një stuhi dimërore që mbulon pjesë të mëdha të Shteteve të Bashkuara po shkakton probleme serioze në transport, me mijëra fluturime të anuluara ose të vonuara dhe kushtet e trafikut që bëhen të rrezikshme për udhëtarët.
Autoritetet kanë lëshuar paralajmërime për udhëtarët që të kontrollojnë statusin e fluturimeve para nisjes, pasi situata e motit dhe reshjet e borës po ndikojnë në aeroportet kryesore në rajon, përfshirë edhe John F. Kennedy International Airport dhe Newark Liberty International Airport.
Mediat lokale raportojnë se reshjet e dendura të borës dhe kushtet e acarta të motit kanë ndikuar në aeroportet, duke bërë të domosdoshme ndërprerjen e shërbimit përkohësisht në disa terminale./IndeksOnline/
