Vendimi i Real Madridit për të shkarkuar Xabi Alonso vetëm gjashtë muaj pas emërimit ka shkaktuar bujë të madhe në botën e futbollit.
Edhe pse humbja ndaj Barcelonës u pa si një pikë kthese, raportimet tregojnë se prapaskenat dhe përplasjet e brendshme me presidentin Florentino Perez kanë luajtur rol vendimtar në largimin e tij.
Alonso u shkarkua me efekt të menjëhershëm, ndërsa drejtimin e ekipit e mori Alvaro Arbeloa, i cili pritet të qëndrojë në krye të skuadrës deri në fund të sezonit, me klubin që synon një trajner elitar gjatë verës.
Në këtë kontekst, ish-trajneri i Real Madridit, Jose Mourinho, u pyet nëse do të konsideronte një rikthim në “Santiago Bernabeu”. Përgjigjja e portugezit ishte kategorike dhe ironike.
“Rikthim te Real Madridi? Mos më numëroni mua për telenovela. Ka telenovela të mira, por janë shumë të gjata. Nëse humb një apo dy episode, nuk kupton më asgjë,” u shpreh Mourinho për MARCA, duke tallur dramën e vazhdueshme që rrethon klubin madrilen.
Ai theksoi se nuk ka asnjë plan për t’u rikthyer në Madrid:
“Mos më përfshini, sepse nuk i shikoj telenovelat.”
Ndërkohë, drejtuesit e Real Madridit po shqyrtojnë alternativa për stolin e trajnerit. Jurgen Klopp shihet si kandidati kryesor, nëse është i gatshëm ta marrë detyrën, ndërsa në listë përmenden edhe Enzo Maresca, Zinedine Zidane dhe Mikel Arteta
