Calum McFarlane do të bëhet ndihmës i trajnerit të ri të Chelseat, Liam Rosenior, ashtu siç raportoi fillimisht gazetari Kieran Gill. Ky vendim vjen pas përshtypjeve shumë pozitive që Rosenior ka krijuar për punën e McFarlane gjatë dy ndeshjeve të fundit.
Rosenior ka qenë veçanërisht i kënaqur me mënyrën se si McFarlane e ka menaxhuar skuadrën, qasjen e tij profesionale ndaj lojtarëve dhe qetësinë në situata me presion. Pikërisht këto elemente e kanë bindur trajnerin që ta kërkojë personalisht McFarlane si pjesë të stafit të tij teknik, shkruan Indeksonline
Emërimi i McFarlane shihet si një hap i rëndësishëm në ndërtimin e stafit të ri të Chelseat, teksa klubi synon stabilitet dhe rritje të performancës në vazhdim të sezonit. Bashkëpunimi mes Rosenior dhe McFarlane pritet të sjellë energji të re dhe ide të freskëta në pankinën e “Blutë”, në një periudhë kyçe për ambiciet e klubit në garat vendore dhe evropiane./Indeksonline/
Calum McFarlane will become Liam Rosenior's assistant at Chelsea, as @kierangill_DM called.
Understand Rosenior impressed with McFarlane's handling of the squad over last two games and personally asked him to join his staff.🔵 pic.twitter.com/Ci3DPB0i6f
— Ben Jacobs (@JacobsBen) January 8, 2026
