Një garë tejet e ngushtë po zhvillohet për fitimin e mandatit të deputetit nga komunitetet joshumicë, konkretisht nga komuniteti ashkali në Kosovë.
Sipas rezultateve të deritanishme, Partia “PSA” ka siguruar 1.915 vota, ndërsa koalicioni PAI–PDAK–LPB ka marrë 1.893 vota, duke krijuar një diferencë prej vetëm 22 votash, transmeton Indeksonline.
Megjithatë, rezultati përfundimtar ende nuk është konfirmuar, pasi numërimi i votave me kusht është ende në proces, çka mund të ndikojë në ndarjen e mandatit.
Ish-ministri, Qazim Rrahmani nga koalicioni PAI-PDAK-LPB, është duke mbajtur shpresa ta fitojë mandantin e deputetit. /Indeksonline/
