Kryeministri në detyrë dhe lideri i Lëvizjes Vetëvendosje, Albin Kurti, ka theksuar se e ardhmja e Kosovës është e orientuar me forcë drejt Bashkimit Evropian.
Një ditë pas zgjedhjeve, përmes platformës X, ai shprehu falënderime për të gjithë ata që ushtrojnë të drejtën e votës, si dhe për ata që kontribuan që procesi zgjedhor të ishte i lirë, i drejtë dhe pa incidente.
“Jemi mirënjohës për mbështetjen ndërkombëtare gjatë gjithë këtij procesi, nga Bashkimi Evropian, shtetet individuale dhe organizatat ndërkombëtare, të cilat vazhdojnë të mbështesin përparimin demokratik të Kosovës”, shkroi ai.
“Dje, qytetarët e Kosovës na dhanë një mandat të fuqishëm. Është një nder i madh të fitosh besimin e popullit, veçanërisht pas përfundimit të mandatit të parë të plotë në historinë e vendit. Falënderojmë të gjithë ata që votuan dhe të gjithë ata që kontribuan që procesi zgjedhor të ishte i lirë dhe i drejtë. E ardhmja e Kosovës është e ndritur dhe fuqishëm e orientuar drejt Bashkimit Evropian”, shtoi Kurti.
Ai gjithashtu falënderoi partitë motra dhe lëvizjen progresive, duke theksuar angazhimin për ndërtimin e shoqërive ku dinjiteti dhe mirëqenia e njerëzve janë në qendër. /Lajmi.net/
