Lenart Karl është perla e re e Bajernit të Mynihut. 17 vjeçari ka gjashtë gola dhe dy asiste në 21 paraqitje për klubin gjerman në të gjitha garat këtë sezon.
Mesfushori po krahasohet me Lamine për shkak të ndikimit të tij të rëndësishëm pavarësisht se është edhe më i ri.
Tani, sipas gazetarit gjerman Sebastian Leisgang, në podkastin “Und nun zum Sport”, rruga e lojtarit mund të kishte qenë shumë e ndryshme, pasi te Real Madridi pati një provë kur ishte 10 vjeç, por në fund nuk e nënshkroi: “Ai pati një provë me Real Madridin kur ishte 10 vjeç. Kishte kampe rajonale stërvitore në Gjermani, njëra prej tyre në Großkrotzenburg, në rajonin e Aschaffenburgut. Prej andej, ai avancoi në raundin tjetër, i cili u mbajt në Memmingen. Atje ai bëri përsëri përshtypje dhe u ftua në Madrid dhe iu dha mundësia të luante në Bernabeun e nderuar.”
Lojtari i bëri përshtypje Real Madridit, i cili u përpoq ta nënshkruante atë, por në fund dështoi ta siguronte transferimin e tij: “Marrëveshja me Real Madridin dështoi. Babai i tij më tha se ishte shumë i kënaqur me mënyrën se si dolën gjërat, pasi mendonte se nuk kishte të bënte me të birin, por me negocimin e kontratave me firma të mëdha konsulence. Kjo është arsyeja pse dështoi dhe, duke parë prapa, familja nuk pendohet që nuk nënshkroi me Madridin.”
Karl është një tjetër futbollist që nuk përfundoi duke nënshkruar për Real Madridin pas një prove në akademinë e tyre të të rinjve, siç ndodhi me Pedrin, Julian Alvarezin, Nejmarin dhe David Silvën.
