Zhvillime të njëpasnjëshme pati sot në veri të vendit, ku po bëhet betimi i kryetarëve të rinj e që të gjithë janë nga komuniteti serb.
Asamblistët shqiptarë në Kuvendin Komunal të Mitrovicës së Veriut, kanë kërkuar nga asamblistët e komunitetit serb, Marko Jakshiq që të mos politizojnë asgjë në mbledhjen solemne për betimin e kryetarit të ri të kësaj komune.
Ata theksuan se nuk frikësohen, por që janë në këtë mbledhje për t’u betuar dhe konstituuar Kuvendin Komunal.
“Nuk ka nevojë kurrgjë me politizu, kemi ardh me u betu në mbledhje solemne, të kryhet kjo procedurë, të respektohet ligji dhe rendi”, thanë ata.
“Ne jemi në qytetin e veriut të Mitrovicës, jemi përzgjedhur nga qytetarët e Kosovës. Jemi këtu për të konstituuar Kuvendin Komunal të Mitrovicës së Veriut, sa i përket policëve, ne nuk frikësohemi e as nuk po shohim ndonjë polic në sallë”,deklaroi asamblistja Aida Doli.
Ky reagim i tyre erdhi pasi njëri nga asamblistët nisi të flasë se si po frikësohen dhe se aty kishte edhe prani të zyrtarëve policorë.
I njëjti asamblist serb, Marko Jakshiq, vendosi sot flamurin e Serbisë në tavolinë, derisa betimi po bëhej në simbolet e Kosovës që janë vendosur në sallë./Lajmi.net/
