Vizita shtetërore e Presidentit gjerman Frank-Walter Steinmeier dhe bashkëshortes së tij në Mbretërinë e Bashkuar ka nisur zyrtarisht dhe ç’është një vizitë shtetërore pa pak sgfaqe dashurie nga William dhe Kate? Gjatë turit në një ekspozitë të veçantë gjermane në Windsor Castle, kamerat kapën një moment shumë të butë mes çiftit mbretëror: Princi William i fërkoi lehtë shpinën Kate-it ndërsa po shikonin veprat. Shumë, shumë i ëmbël.
Momenti i William duke i prekur shpinën Kate gjatë vizitës shtetërore gjermane ka ndezur komentet online, kryesisht sepse çifti rrallë bën gjeste të tilla publikisht. Në korrik, gjatë ceremonisë zyrtare për vizitën e presidentit francez Emmanuel Macron, William dhe Kate u panë teksa mbanin duart, gjë tejet e rrallë për ta. Madje edhe Kate i vuri dorën në pjesën e poshtme të shpinës William-it, edhe kjo një lëvizje e pazakontë.
Dhe mos harrojmë momentin nga darka shtetërore e shtatorit, kur ata postuan në Instagram një foto të tyre duke mbajtur duart në errësirë, duke shkruar “Behind the Scenes”.
Pse gjithë kjo përzemërsi së fundmi? Sipas biografes mbretërore Ingrid Seward, gjithçka lidhet me betejën e Kate me kancerin.
“William ndihet me shumë fat që Kate e ka kaluar këtë situatë dhe dëshiron t’ia tregojë botës dashurinë e tij,” shpjegon ajo. “Ata janë në një fazë tjetër të jetës, të lumtur, mirënjohës dhe më të hapur me njëri-tjetrin.”
Ajo shton se William është më mbrojtës dhe tepër krenar për mënyrën si Kate ka ecur përpara. Prandaj, këto gjeste të vogla janë më shumë se shfaqje publike e dashurisë, janë një tregim i qartë i rrugëtimit dhe lidhjes së tyre.
The Prince & Princess of Wales as well as The Duke of Edinburgh https://t.co/BBR635Zu01 pic.twitter.com/rd0AFpVoOI
— Imperial Material ♚ (@implmaterial) December 3, 2025
