Ish-kryetari i Lidhjes Demokratike të Kosovës dhe ish-kryeministri i Kosovës Isa Mustafa, thotë se është e papranueshme që ish-krerët e UCK-së të mbahen për pesë vite në Hagë, e së pari sipas tij të arrestohen e më pas të zhvillohen hetimet kundër tyre.
“Unë kam qenë kryeministër kur është ndryshu Kushtetuta me qëllim që të krijohet hapësirë për themelimin e dhomave të veçanta jashtë vendit. Por atëherë ne kemi qenë të bindur që ata që kërkuan themelimin i kishin zhvilluar hetimet e kanë të dhëna dhe e dinë se kush çka ka bërë.
“Unë kam qenë shumë i bindur që njerëzit me emër e mbiemër do të dihen se kanë bërë shkelje apo dhunë, e jo që do të lidhen njerëzit e të cohën atje e më pas zhvillohen hetimet për ta”.
E prej asaj kohe, sipas Mustafës ata njerëzit kanë mbetur atje, pa një përkujdesje.
“Kanë mbetur vetëm. Ajo që ne do të duhet të bëjmë është që të krijojmë kushte që gjykimi i tyre të jetë i drejt e të mos merr karakter politik”
Ai thotë se nuk mundet të paragjykojë tani se si do të jenë këto kushte.
“Por do të dëshiroja që nesër kur të themelohet Kuvendi i Kosovës, të krijojë mekanizma të cilat do të komunikojnë me atë gjykatë e cila konsiderohet që është gjykatë e Kosovës, të ketë një lidhje me Kosovën, e mos t’i caktohet Hashim Thacit gjykimi me 28 nëntor kur dihet që është ditë feste tek ne. Ajo duhet ta respektojë vendin që e ka themelu”
