Zëvendëskryeministri i parë në detyrë për Integrim Evropian, Zhvillim dhe Dialog të Kosovës, Besnik Bislimi ka takuar deputetin e Budnestagut gjerman, Adis Ahmetoviç, gjatë vizitës së tij në Berlin.
Përmes një komunikate për media, Bislimi ka thënë se integrimet evropiane dhe anëtarësimi i Kosovës në Këshillin e Evropës ishin në fokus të diskutimit, shkruan lajmi.net.
Takimi i fundit i vizitës zyrtare në Berlin të Zëvendëskryeministrit të parë në detyrë për Integrim Evropian, Zhvillim dhe Dialog të Republikës së Kosovës, Besnik Bislimi, u zhvillua me deputetin e Bundestagut, Adis Ahmetović.
“Ai foli gjithashtu edhe për Kosovën si histori suksesi, një shtet me moshë mesatare të re dhe rritje ekonomike të shpejtë dhe të qëndrueshme. Zëvendëskryeministri shprehu mirënjohjen ndaj deputetit Ahmetović për mbështetjen e tij ndaj Kosovës dhe përkrahjen në procese kyçe vendin tonë”, thuhet në komunikatë. /Lajmi.net/
- Advertisement -
