Ish-presidenti brazilian Jair Bolsonaro është arrestuar nga Policia Federale, pasi gjyqtari i Gjykatës së Lartë Alexandre de Moraes akuzoi e atë për manipulimin e byzylykut elektronik të kyçit të këmbës, një veprim që dyshohet të ketë qenë përpjekje për arratisje.
Bolsonaro, i dënuar me 27 vite e gjysmë burg për tentativë grushti shteti dhe akuza të tjera të rënda, u mor nga shtëpia e tij në Brasilia në orët e para të mëngjesit.
De Moraes urdhëroi paraburgimin e tij, duke përmendur rrezikun e arratisjes, madje edhe mundësinë e strehimit në Ambasadën e SHBA-ve, e cila gjendet rreth 13 kilometra larg apartamentit të Bolsonaros.
Sipas gjyqtarit, manipulimi i pajisjes së monitorimit ka ndodhur gjatë një eventi të organizuar nga djali i tij, Flavio.
De Moraes e konsideron Bolsonaron si organizator të një komploti të gjerë pas humbjes së zgjedhjeve të vitit 2022, përfshirë edhe plane për atentate ndaj figurave të larta shtetërore. Ngjarjet pasuese kulmuan me sulmin ndaj ndërtesave qeveritare më 8 janar 2023.
Ndërkohë, ish-presidenti amerikan Donald Trump kritikoi ashpër masat ndaj Bolsonaros, duke i quajtur “gjueti shtrigash” dhe duke reaguar me tarifa të larta tregtare kundër Brazilit.
