Pas një marrëveshjeje midis Sekretarit amerikan të Luftës Pete Hegseth dhe ministrit gjerman të Mbrojtjes Boris Pistorius për të rritur mbështetjen e aleatëve për Ukrainën, Gjermania ka përmbushur premtimin e saj për të furnizuar sisteme shtesë Patriot për Ukrainën.
Gjatë bisedimeve të tyre në korrik, Gjermania ra dakord të ofrojë sisteme Patriot për të forcuar aftësitë e mbrojtjes ajrore të Ukrainës.
Presidenti i Ukrainës, Volodymyr Zelenskyy, konfirmoi dorëzimin e sistemeve Patriot nga Gjermania duke thënë se, me marrëveshjet që tani po përmbushen, Ukraina ka më shumë sisteme Patriot në terren që po vihen në funksion.
“Sekretari i Luftës vazhdon të mbajë premtimin e SHBA-së për të fuqizuar aleatët tanë në uvropë që të rrisin mbështetjen e tyre për Ukrainën duke hapur mjete shtesë për Ukrainën përmes investimeve nga Aleatët në Europë”, tha në një komunikatë Komanda Europiane e Forcave të Armatosura të Shteteve të Bashkuara.
PATRIOT i referohet një sistemi të avancuar raketor të mbrojtjes ajrore të prodhuar nga Shtetet e Bashkuara./Express/
