Kombëtarja e Kosovës të shtunën në mbrëmje luan ndeshjen ndaj Sllovenisë, e vlefshme për kualifikim në Kupën e Botës 2026.
Jan Oblak ishte në dyshim për këtë ndeshje, por portieri edhe pse me dhimbje thotë se është i gatshëm, shkruan Indeksonline
Oblak u paraqit në konferencë për media në Slloveni dhe deklaroi se është i gatshëm për ndeshjen kundër Kosovës.
“Në varësi të numrit të ndeshjeve, të gjithë kanë probleme të caktuara. Edhe unë kam dhimbje të caktuara. Jemi përpjekur ta shërojmë sa më mirë që të jetë e mundur. Por, nuk ka dyshim që pavarësisht dhimbjes, do të jap 100 përqindshin nesër”, u shpeh Oblak
“E dijmë që Kosova është shumë e mirë në kundërsulme. Por as në Prishtinë nuk “goditëm” qysh nga fillimi. Nuk jemi të aftë të luajmë kështu gjithë ndeshjen. Duhet të luajmë me kokën lartë. Na duhen tri pikë, por nuk do të thotë se do të përballemi kokë me kokë qysh nga fillimi”, vazhdoi tutje portieri i Atletico Madrid
Kosova dhe Sllovenia takohen nesër nga ora 20:45 në Lubjanë./Indeksonline/
