Dj i njohur holandez, Martin Garrix, do të duhej të performonte në Meksikë këtë të shtunë.
Por, një shqetësim i papritur shëndetësor e detyroi të ndryshojë planet.
Përmes një postimi nga spitali, ku ai shfaq me këmishë pacienti, Martin njofton se i është dashur të operojë apendicitin, shkruan IndeksOnline.
“Mjekët dhe ekipi im më kanë këshilluar fuqimisht të pushoj dhe të shërohem për të shmangur çdo ndërlikim pas operacionit. Ju lutem ta dini se ky vendim nuk u mor lehtë – kam disa nga kujtimet e mia më të preferuara nga performancat në këtë vend të jashtëzakonshëm dhe në Figleon” u shpreh ai.
Martin falënderoi fansat për mbështetjen morale dhe mirëkuptimin, duke premtuar se do të kthehet shpejt.
Ky është postimi i plotë i tij:
Me të vërtetë me zemër të thyer duhet të ndaj me ju lajmin se për shkak të një problemi të papritur të apendicitit dhe operacionit që pasoi, nuk mund të performoj në Festivalin Ndërkombëtar Del Globo këtë të shtunë.
Mjekët dhe ekipi im më kanë këshilluar fuqimisht të pushoj dhe të shërohem për të shmangur çdo ndërlikim pas operacionit.
Ju lutem ta dini se ky vendim nuk u mor lehtë – kam disa nga kujtimet e mia më të preferuara nga performancat në këtë vend të jashtëzakonshëm dhe në Figleon!!
Faleminderit shumë për mirëkuptimin, dashurinë dhe mbështetjen tuaj.. një kujtesë e mirë për mua se edhe unë jam njeri dhe trupi im ka nevojë për pak kohë shtesë për t’u shëruar siç duhet.
Duke iu dërguar shumë dashuri – do të kthehem së shpejti, premtoj.
