Policia në Ferizaj ka kërkuar bashkëpunimin e qytetarëve në identifikimin dhe gjetjen e një të dyshuari për vjedhje.
Me autorizim të prokurorisë për publikim të fotografisë dhe me të dhënat e rastit, dyshohet se personi në fjalë, më 24 prill të këtij viti, në rrugën “Rexhep Bislimi” ka kryer veprën penale “Vjedhje”, shkruan IndeksOnline.
“Deri më tani, i dyshuari nuk është identifikuar. Prandaj, Policia Rajonale e Ferizajt kërkon ndihmën e qytetarëve që kushdo që ka informacione rreth identitetit apo vendndodhjes së tij, të njoftojë: stacionin më të afërt të policisë, përmes aplikacionit digjital “Lajmëro Policinë”, ose në numrat kujdestarë: 192, 0290/326-250 dhe 0290/322-406” thuhet në njoftimin e policisë.
Ky është njoftimi i plotë:
Policia Rajonale e Ferizajt, në bazë të autorizimit nga Prokuroria Themelore në Ferizaj për publikimin e fotografive të personave në kërkim, lëshon kërkesë për bashkëpunim me qytetarët, me qëllim identifikimin, vendndodhjen dhe kapjen e personit të dyshuar.
Dyshohet se më datën 24.04.2025, rreth orës 11:30, në rrugën “Rexhep Bislimi ” në Ferizaj, personi i dyshuar ka kryer veprën penale “ Vjedhje”.
Deri më tani, i dyshuari nuk është identifikuar. Prandaj, Policia Rajonale e Ferizajt kërkon ndihmën e qytetarëve që kushdo që ka informacione rreth identitetit apo vendndodhjes së tij, të njoftojë:
-stacionin më të afërt të policisë,
-përmes aplikacionit digjital “Lajmëro Policinë”,
– ose në numrat kujdestarë: 192, 0290/326-250 dhe 0290/322-406.
Të gjitha informacionet do të trajtohen me konfidencialitet të plotë.
