Ish-presidentja e Kosovës, Atifete Jahjaga, gjatë përfundimit të vizitës së saj në Jakarta të Indonezisë është takuar me Presidentin e Timorit Lindor, José Ramos-Horta, fitues i Çmimit Nobel për Paqen.
Me këtë rast Jahjaga e ka falënderuar Ramos-Hortën për njohjen e pavarësisë së Kosovës që u bë gjatë mandatit të saj presidencial.
Përmes një postimi në Facebook, Jahjaga ka shkruar se gjatë takimit ka kërkuar mbështetje për njohjen e Kosovës nga vende të tjera të Azisë Juglindore si Filipinet, Vietnami, Kamboxhia, Sri Lanka dhe Mianmari.
“Marrëdhëniet e mira me shtetet e tjera të botës kanë qenë dhe mbeten një kusht thelbësor për zhvillimin e mëtejshëm të Republikës së Kosovës në arenën ndërkombëtare”, ka shkruar Jahjaga. /IndeksOnline/
- Advertisement -
