Eksperti i sigurisë, Drizan Shala, ka paralajmëruar se hyrja e forcave të rregullta serbe dhe policore në territorin e Kosovës më 15 tetor përbën një veprim me pasoja të drejtpërdrejta për sigurinë kombëtare dhe stabilitetin rajonal.
Ai thekson se ky akt nuk mund të shihet si një incident i izoluar, por si pjesë e një strategjie më të gjerë të Beogradit për të testuar reagimin e institucioneve të Kosovës dhe të partnerëve ndërkombëtarë, transmeton lajmi.net.
“Edhe pse Beogradi përpiqet ta justifikojë veprimin si ‘luftë kundër prerjeve ilegale të pyjeve’ apo ‘ndalim të krimit’, në thelb kemi të bëjmë me një test të qëllimshëm të reagimit institucional dhe ndërkombëtar të Kosovës,” ka deklaruar Shala.
Sipas tij, Serbia po përdor një model tipik të operacioneve hibride, duke shfrytëzuar çështje reale si mbulesë për lëvizje të organizuara shtetërore.
“Ky është një test ndaj sovranitetit të Kosovës,” ka shtuar ai, duke theksuar se reagimi institucional duhet të jetë i matur, i bazuar në fakte, por vendimtar në mesazhin politik dhe diplomatik, në mënyrë që “konceptet e luftës kundër krimit të mos shndërrohen në mekanizma për normalizimin e shkeljeve të integritetit territorial”.
Postimi i plotë:
qëndrimin e institucioneve tona, kohën e reagimit, dhe nivelin e pranueshmërisë së narrativës serbe në opinionin ndërkombëtar.
Një incident i tillë nuk mund të shihet si veprim i izoluar. Ai është pjesë e një strategjie të zgjeruar testuese që kombinon narrativën e sigurisë së brendshme me veprimet e kontrolluara në zonën kufitare, për të matur elasticitetin e Kosovës dhe nivelin e reagimit të partnerëve ndërkombëtarë. Për këtë arsye, reagimi i institucioneve kosovare duhet të jetë i matur, i bazuar në fakte, por vendimtar në mesazhin politik dhe diplomatik– duke mos lejuar që konceptet e “luftës kundër krimit” të shndërrohen në mekanizma për normalizimin e shkeljeve të integritetit territorial.