Kanë përfunduar ndeshjet e xhiros së 4-të të fazës së ligës së Ligës së Kampionëve ku u prodhuan 25 gola.
Barcelona u ndal me barazim në Belgjikë kundër Clube Brugge me golat e shënuar nga Tresoldi në minutën e 36 dhe Forbs në minutën e 17 dhe 64.
Për Barcelonën realizuan Ferran Torres në minutën e 8-të, Lamine Yamal në minutën e 61-të dhe autogoli i Christos Tzolis në minutën e 77-të.
City ishte dominant kundër skuadrës gjermane Borussia Dortmund duke e mposhtur me rezultat 4-1.
Golat e ndeshjes u shënuan nga Phil Foden në minutat e 22-të dhe 57-të, Erling Haaland në minutën e 29-të dhe Rayan Cherki në minutën e 91-të për Cityn, ndërsa golin e vetëm për Dortmundin e shënoj mbrojtësi Anton në minutën e 72-të.
Edhe Interi arriti fitore me një gol diferencë ndaj skuadrës nga Kazakistani Kairat Almaty me rezultat 2-1.
Për Interin shënuan Lautaro Martinez dhe Carlos Augusto ndërsa për Almatyn golin e vetëm e shënoi mbrojtësi Ofri Arad.
Pas katër ndeshjeve në Ligën e Kampionëve në tabelë kryeson Bayern Munich, Arsenali dhe Interi me pikë maksimale prej 12 pikëve.
/GazetaExpress/
