Ish-nënkryetari i OVL-UÇK-së, Nasim Haradinaj përmes një lidhje direkte në emisionin “Ora 7” në Klan Kosova ka komentuar vizitën e Ministres së Jashtme të Shqipërisë, Elisa Spiropali te ish-presidenti Hashim Thaçi në Hagë.
Ai tha se kjo është një mbështetje e domossdoshme, derisa u shpreh se ata që e quajnë ndërhyrje politike, sipas tij, mendojnë njëjtë si Serbia.
“Kjo është një mbështetje normale, njerëzore dhe e domossdoshme. Ata që e quajnë ndërhyrje politike janë ata të cilët mendojnë njëjtë si Serbia, sepse edhe ajo e quan ndërhyrje politike”.
“Unë mendoj që mirë është të na prijë vëllai i madh, të na mësojë, por e keqja është që ne nuk e ndjekim pas, përpos që edhe nuk kemi dëshirë ta ndjekim pas, ne fillojmë dhe e kritkojmë”, u shpreh Haradinaj./Indeksonline/
