Emisari i presidentit amerikan për misione të veçanta, Richard Grenell, ka reaguar sërish në lidhje me protestën e madhe që u zhvillua sot në Tiranë në mbështetje të ish-krerëve të Ushtrisë Çlirimtare të Kosovës.
Në një postim në rrjetin X, Grenell shkroi:
“Haga është jashtë kontrollit. Kjo është ajo që ka bërë Jack Smith”, duke iu referuar ish-prokurorit special që ngriti padinë ndaj Hashim Thaçit, transmeton lajmi.net.
Jack Smith dha dorëheqjen nga Prokuroria Speciale në nëntor të vitit 2022.
Sot në Tiranë u zhvillua një protestë madhështore gjithëkombëtare kundër asaj që qytetarët po e perceptojnë si padrejtësi ndaj ish-krerëve të UÇK-së në Hagë.
Grenell ka bërë më parë thirrje për lirimin e ish-presidentit Hashim Thaçi, duke e konsideruar burgimin e tij të padrejtë dhe të papranueshëm./lajmi.net/
- Advertisement -
