Kryeministri i vendit, Albin Kurti, gjatë ditës së djeshme ka qëndruar në qytetin e Gjilanit për ti dhënë përkrahje kandidatit të VV-së për kryetar të kësaj komune, Alban Hyseni.
Sipas Kurtit, me Albanin edhe për një mandat Gjilani bëhet nyje e zhvillimit në Anamoravë.
“Mandatin e ardhshëm të Alban Hysenit dhe Lëvizjes VETËVENDOSJE, bashkë me bulevardin, investimin më të madh në historinë e komunës, Parkun Industrial, unazën e jashtme dhe projektet në bujqësi e turizëm, Gjilani bëhet nyje e zhvillimit në Anamoravë’’, ka shkruar Kurti.
Dy ditë na ndajnë nga 12 tetori, dita kur zgjedhim për vazhdimin e punëve të mbara e të dinjitetshme për të tashmen e të ardhmen e Gjilanit, ka shtuar Kurti./Indeksonline/
