Një mori yjesh të famshëm u mblodhën në Santa Barbara muajin e kaluar për dasmën e Selena Gomez dhe producentit muzikor Benny Blanco, përfshirë edhe miken e saj më të mirë prej shumë kohësh, Taylor Swift.
Ndërsa ndoshta nuk do ta dëgjojmë kurrë fjalimin që mbajti, Swift tani ka zbuluar disa detaje rreth ditës së madhe të mikeshës së saj, ndërsa promovonte albumin e saj të ri, The Life of a Showgirl, transmeton Indeksonline.
Lista e të ftuarve përfshinte, ndër të tjerë, Paris Hilton, Ed Sheeran, Paul Rudd, Ashley Park dhe kolegët e Gomez nga seriali “Only Murders in the Building”, Martin Short dhe Steve Martin.
Duke u shfaqur në emisionin The Morning Mash Up të SiriusXM të hënën, Swift nuk mundi ta fshihte emocionin e saj, duke e përshkruar shoqen e saj si nusen “më të bukur”.
“Jo vetëm nusja më e bukur”, tha ajo. “Thjesht gjëja më e bukur që kam parë ndonjëherë”. Këngëtarja shtoi se është shumë e lumtur që Gomez gjeti lumturinë që “e meriton kaq shumë”. “Dhe kjo është e gjitha që dëshiron për njerëzit, e kupton?” tha Swift./Indeksonline/
