Sekretari i Përgjithshëm i OKB-së, António Guterres, mirëpret propozimin e Trump për paqe në Gaza, thotë një zëdhënës, shkruan BBc.
Në një deklaratë, zëdhënësi citon Guterresin duke thënë se “tani është vendimtare që të gjitha palët të angazhohen për një marrëveshje dhe zbatimin e saj”.
Shefi i OKB-së përsërit thirrjen e tij për një “armëpushim të menjëhershëm dhe të përhershëm, qasje të pakufizuar humanitare në të gjithë Gazën dhe lirimin e menjëhershëm e të pakushtëzuar të të gjithë pengjeve”.
“Organizata e Kombeve të Bashkuara mbetet e palëkundur në përkushtimin e saj për t’i mbështetur të gjitha përpjekjet që nxisin paqen, stabilitetin dhe një të ardhme më shpresëdhënëse për popullin e Palestinës dhe Izraelit dhe në mbarë rajonin”, përfundon deklarata.
