Ish-futbollisti i Manchester United, Anderson mund të përfundoj në burg.
Braziliani po përballet me një dënim me burg në qytetin e tij të lindjes, Porto Alegre, për mospagimin e mbështetjes financiare për fëmijët, shkruan IndeksOnline.
Braziliani, babai i tre vajzave dhe dy djemve, mund të dalë nga kjo situatë nëse paguan shumën marramendëse prej 165,000 eurosh në pension ushqimor që i detyrohej deri më 28 korrik. Gjykata e familjes vendosi që nëse nuk e bën këtë, do të duhet të kalojë 30 ditë pas hekurave.
Gjykatësi që lëshoi urdhrin përcaktoi që nëse Anderson nuk do të kryente pagesën e kërkuar, ai do të vendosej në një “regjim të mbyllur”, që do të thotë se do të mbyllej në një qeli nën mbikëqyrje të rreptë. Nëse nuk do të kishte vend në burgjet lokale, ai mund të vendosej në një “regjim gjysmë të hapur”, që do t’i lejonte të dilte gjatë ditës për të studiuar ose për të kryer shërbim ndaj komunitetit, por do të duhej të kthehej në qelinë e tij çdo natë.
Kjo nuk është hera e parë që ish-lojtari është përfshirë në akuzat të njëjta. Vetëm një vit më parë, ai u dënua me burg për mospagim të pensionit ushqimor. Në vitin 2021, disa media braziliane raportuan se ai dhe shtatë persona të tjerë ishin nën hetim për përvetësim dhe pastrim parash prej pesë milionë eurosh përmes blerjes së kriptovalutave, duke rrezikuar deri në dhjetë vjet burg.
