Dogana e Kosovës ka njoftuar se rreth orës 03:00 të natës, në pikën kufitare Merdarë është ndaluar për kontroll të detajuar një kamion.
Personi që drejtonte mjetin është pyetur lidhur me deklarimin e ngarkesës në doganë, ku ka konfirmuar se nuk ka asgjë për deklarim, por, gjatë inspektimit, në ulësen e parë të automjetit është zbuluar një çantë që përmbante disa pajisje dentare, ndërsa në bagazh janë gjetur disa pjesë rezervë për automjete.
“Mallrat janë ndaluar përkohësisht dhe ndaj rastit po zhvillohet procedurë për kundërvajtje doganore, në bazë të nenit 244 të Kodit Doganor dhe të Akcizave të Kosovës (KDAK). Dogana e Kosovës do të vazhdojë të veprojë me përgjegjësi dhe profesionalizëm për të garantuar një mjedis të sigurt dhe të ligjshëm në pikat kufitare, duke siguruar zbatimin e ligjit dhe mbrojtjen e interesave të shtetit dhe qytetarëve”, thuhet në njoftimin e Doganës. /Lajmi.net/
Njoftimi i plotë:
